Saturday, June 1, 2013

कहाणी ऐका एका वेश्येची

कहाणी ऐका एका वेश्येची
पुरुषांची वासना शमविणाऱ्या साधनाची
पशुंकडून ओरबाडले जाणाऱ्या एका स्त्रीची
कहाणी ऐका एका वेश्येची.....

बालपण सगळ चिखलातच गेल
आईच दुधपण बाटलीतूनच पिल
जगायचं रडगाण पण लवकरच कळल
कहाणी ऐका एका वेश्येची....

शाळा कसली माहीतच नाही
शिक्षणाचा तर मला गंधच नाही
भातुकलीचा खेळ ठाऊकच नाही
पशूंचा सहवास तर नवीनच नाही
कहाणी ऐका एका वेश्येची.....

कोमार्याची माझ्या कुणाला चाडच नाही
देहाची तर कुणालाच किमत नाही
भावनांची कदरही कुणालाच नाही
प्रेम तर माझ्या नशिबातच नाही
कहाणी ऐका एका वेश्येची...

संसार पडलाय उघड्यावर
सुहागरात्रही केली दुसऱ्याबरोबर
संसाराचा गाडा माझ्याच देहावर
कहाणी ऐका एका वेश्येची.....

रात्र-रात्र ज्यांनी आम्हाला जागविल
वेश्या-वेश्या म्हणून त्यांनीच हिणवल
समाजातील घाण म्हणून गावाबाहेर हाकलल
कहाणी ऐका एका वेश्येची....

तान्हुल्याला माझ्या मात्र मी घडविलं
नरकातून या बाहेर ढकललं
आमच आयुष्य असच गंजल
त्याच्या तरी आयुष्यात नंदनवन फुलविल
कहाणी ऐका एका वेश्येची....

आज समाजात वेश्या असूनही इतके बलात्कार होतात....त्या जर नसत्या तर स्त्रियांना जगणे फार मुश्कील झाले असते .....हे एक वास्तव आहे .........

स्त्रोत: भारतीय नागरिक

No comments:

Post a Comment