तुझ्यापेक्षा मला तिचीच ज्यास्त आवड

तुझ्यापेक्षा मला तिचीच ज्यास्त आवड
केव्हाही असते तिला माझ्यासाठी सवड
तिच्याकडे नसतात तुझ्यासारखे बहाणे
उशिराने येणे आणि लवकर निघून जाणे
कितीही सांगितलं तरी ती लांब जात नाही
आमच्या दोघामधल अंतर वाढू देत नाही
तिच्या टपोऱ्या डोळ्यातून ओघळला मोती
अलगद त्यान तो टिपला आपल्या हाती
म्हणाला हळूच तिचा हात हातात घेऊन
अग वेडे तूच तर जातेस तिला मागे ठेऊन
तू नसतेस जवळ पण असते तुझी आठवण
तुझ्या विना कसा काढू सांग न एक क्षण?
हे ऐकताच मात्र ती प्रेमाने त्याला बिलगली
अन ओठांची पाकळी हि नकळत विलगली!!!!!!!!!!!!!